الأربعاء، 5 أغسطس 2009

شرح شخصية الووتر بالتفصيل

ماهى شخصية الوتر ؟
شخصية الوتر هى احدى شخصيات اللعبة وهيا احد فرعى ال tosist اللى هوا الساحر لان الساحر بينقسم الى قسمين
1- الفير
2- الوتر
مميزات الوتر ؟

1- الوتر بينزل من ال 110 ودى ميزة بتميز الوتر عن كل الشخصيات
2- الوتر تعليته اسهل واسرع عن باقى الشخصيات وخصوصا لما يكون لابس Robe يونك او ايليت 1 سوكت srg وسلاح يونك او ريفيند 2 سوكت srg وباقى الاستف من براكلت وكاب وباجة وبوت 1 سوكت srg
وبكدا تكون تعليته اسرع
3- stigma التى يحتاجها العديد من الشخصيات فى البى كى او الضرب فى الوحوش
4-الوتر لما بينزل من 110 ممكن تفتح دامج -1 فى البوت او السلاح اما لو نزلته من ال 120 بتفتح بطريقة عشوائية
5- الرجل الالى الى هيا ال Diving Her التى لا تستطيع اى شخصية فعلها غير الوتر
6- الوتر الوحيد الذى ممكن ان يتعلى من غير مايعمل كوست زى مااحنا بنعملها وبيطلع عنينا فيه ده على طول بيخصل مع ارشر 130 ويفلسع احنا بقى غلابة يا عينى
7- يستطيع احياء الاموات فى اللعبة وههذا لايقدر ان يفعله اى شخصية اخرى فى اللعبة
ودى كل المميزات التى تتميز بها الوتر

اسكيلات الوتر ؟
الوتر يحتوى على العديد من الاسكيلات وجميعهم مفيدة له ويستعملهم
Thunder -1
ده بقى بيسموه الرعد الابيض وده بتاخده لما بتختار الشخصية التوست ولما تنزل فى مدينة ال Birth Village
وده شكل الراجل ومكانه

اسمه : Taosist Star
مكانه : (74,37)
والاسكل ده من اربع نجوم وسهل جدا جدا جدا انه يتفكسد وبيتفكسد من عند ليفل 40 يعنى لما تيجى تترقى وتختار فير والا وتر طبعا وتر
Fire -2
وده بتاخده لما بتفكسد الرعد الابيض وده بقى صعبة شوية لما بيتفكسد وده عبارة عن 3 نجوم

Cure -3
وده برده بتاخده مع الرعد الابيض لما بتنزل مدينة Birth Village
ومن نفس الراجل برده وده برده سهل فكسدته وليه اربع نجوم

لما بتاخده بيدى 20 Hp
اول نجمة بتديى 70 Hp
ثانى نجمة بتدي 150 Hp
وثالت نجمة بتدى 280 Hp
والرابعة وهوا فكسد بيدى 400 Hp

Healing Rain -4
وده صعب شوية انك تفسكده والاسكل ده بيخليك تدى HP للتيم كله
وده برده ليه اربع نجوم :

لما بتاخده بيدى 100 Hp
اول نجمة بتدى 200 Hp
ثانى نجمة بتدى 300 Hp
تالت نجمة بتدى 400 Hp
والاخيرة بقى وكل سنة وانتا طيب علشان تتفكسد بتدى 500 Hp

Meditation -5

وده بتاخده من ليفل 44 ولما بتاخده بيديك 310 فى الماجيك
واول لما بياخد نجمة بيدى 600
ولما بيتفكسد بيدى 1020
وده برده سهلة شوية بس بيتفكسد كل لما بتدى ماجيك لنفسك

Star of Accuracy -6
والاسكيل ده لو انتا نزلت ريبورن تروجن يسلام لو اديته لنفسك مع الاستجمة وانتا جاى ترفع البى كى على الواحد شوف الضربة هتيجى عملة ازاى هتبقى طحنوده على مااعتقد مش بشوفوا ناس كتير مفكسدينوا غير الناس الكبار اللى هما الكنجات والبرنسات وكدا يعنى
وده لما بتاخده بيدى 430 ولما بياخد نجمة بيدى 520
ولما بياخد نجمتين بيدى 570
ولما بياخد تلاتة نجوم بيدى 620
وكدا عيش بقى وظبط

Magic Shield -7

وده بقى معروف من اسمه (اسمه درع ) وده سلاح جامد برده للوتر وده بيمنع الضرب اللى بيجى للوتر لو اداه لنفسه وعند انتهاء الوقت المحدد يطحن الوتر بقى

وده بقى لما بيتاخد بيدى ديفيندس 200

ولما بياخد نجمة بيدى ديفينس 250

ولما بياخد نجمتين بيدى 300

ولما بياخد تلاتة بيدى ديفينس بمقدار 350

ولما بيتفكسد بقى بيدى 400

وده صعب جدا انك تفكسده بس حااول

Stigma -8

طبعا الاسكيل ده مش عاوز كلام كلنا عارفينه ده الاسكل المفضل عند كلوه وده الاسكل الجاااامد اوى وده بقى اللى كلوه بيستعمله فى البى كى وطبعا زى مااتعودنا كل اسكيل ليه نجوم علشان يتفكسد وده بقى ليه اربعة نجوم :

اول لما بتاخده بيدى استجمة للاتاك بمقدار 200 وبدنها 60 ثانية وبعدين تخلص

ولما بتاخد نجمة بتديى للاتاك 250 وبتخلص بعد 65 ثانية

ولما بتاخد نجمتين بتدى للاتاك 300 وبتخلص بعد 70 ثانية

ولما بتاخد 3 نجمات بتدى للاتاك 350 وبتخلص بعد 75 ثانية

ولما بتاخد اربع نجوم بتدى للاتاك 400 وبتخلص بعد 80 ثانية وكا يا جميل تبقى فكسد وعيش بقى فى البى كى

وإلي اللقاء في الجزء الثاني من الموضوع

ليست هناك تعليقات:

إرسال تعليق